Edep-terbiýe hakynda nakyllar презентация

Adam alasy içinde, haýwan alasy daşynda.
Derýanyň ýolsuzyndan gork, ýigidiň - arsyzyndan.
Adamyň hormaty özüne bagly.
Il agzyny ýygyp bolmaz, çelek agzyny - bogup.
Ilim-günüm bolmasa, Aýym-Günüm dogmasyn

Dostdan sözüň gizleme.
Adam bardyr, adamynyň nagşydyr,
Adam bardyr , haýwan ondan ýagşydyr.
Duşmanyň güldügi - syryňy bildigi.
Geňeşsiz iş, lezzetsiz – aş
Her kim öz ýurdunda handyr-soltandyr.
Myhman geler işikden, rysky geler deşikden.

Myhmanyň itine-de «Tur!» diýme.
Namardyň ýalagyny ýalandan, merdiň işigini syr.
Özüňde bolmadyk, älemde ýok.
Agam bir hatyn aldy, dawany satyn aldy
Garga gagyldap gaz bolmaz, kempir bezenip - gyz.
Uruş sowlansoň, batyr köpeler.
Uýatsyz gyz ýaman, gylyksyz - ogul.

Wagt her zady öwreder.
Wagtda jylaw bolmaz.
«Wah-wah» diýen tapylar, çörek beren tapylmaz.
Ýagşa ýagşy diýseň, ýagşylygy artar,
Ýamana ýagşy diýseň, pälinden gaýdar.
Ýagşy başyňa dost, ýaman - aşyňa.
Ýagşy aýal işli bolar, ýaman aýal - dişli.

Ýagşy ogul il abraýy, ýagşy gyz - öý.
Ussanyň öýi oňmaz.
Şägirt halypadan ozdurmasa, hünär ýiter.
Sözüň gaýtjak ýerinden özüň gaýt.
Aç başym - dynç gulagym.
Adamy iş garratmaz, gaýgy-alada garradar.

Agşamyň haýryndan ertiriň şeri.
Erkek ýoldaşyndan belli, aýal boýdaşyndan.
Dogan - donumyň daşy, perzent - ýüregmiň başy.
Däliniň gazanany bezenenine ýetmez.
Degimsize degim degse, ýylda geçisini iki gyrkar.

Çakyny bilmeseň, balam zähere döner.
Çakylyksyz toýa barma, hödürsiz tagam iýme.
Çala eşiden çatma ýykar, öte eşiden - öý.
Biwagt gygyran horaz gazana düşer.
Berk bolsa daşyň, amandyr başyň.