Иманғали Нұрғалиұлы Тасмағамбетов презентация

Иманғали Нұрғалиұлы Тасмағамбетов — Қазақстан Республикасының мемлекет және қоғам қайраткері, Қазақстан Республикасының 5-нші Премьер-Министрі, 2008 жылдың 4 сәуірінен бастап, 2014 жылдың 22 қазанына дейін Астана қаласының әкімі.
Қазіргі ҚР Қорғаныс министрі.

Тасмағамбетов Иманғали Нұрғалиұлы 1956 жылғы 9 желтоқсанда Атырау облысы, Махамбет ауданы, Новобогат ауылында дүниеге келді.

Өмір жолы
1979 жылы А.С. Пушкин атындағы Орал педагогикалық институтының жаратылыстану-география факультетін бітірген, география және биология пәндерінің мұғалімі.
1981-1991 жылдар аралығында КОКП мүшесі. Қазақстан Компартиясы ОК Саяси бюросының мүшесі (1990-1991). ҚР Жоғарғы Кеңесі 12-шақырылымының депутаты (ЛКЖО). 1991 жылдан - ҚР Жастар ісі жөніндегі мемлекеттік комитетінің төрағасы. 1993 жылдан - ҚР Президентінің көмекшісі. 1995 жылдан - ҚР Премьер-министрінің орынбасары. 1997 жылдан - ҚР Премьер-министрінің орынбасары - Білім және мәдениет министрі. 1997 жылдан - ҚР Президент Әкімшілігі Басшысының орынбасары, ұйымдастыру-бақылау бөлімінің меңгерушісі. 1998 жылдан - ҚР Президентінің Бірінші көмекшісі. 1999 жылдан - Атырау облысының әкімі. 2000 жылдан - ҚР Премьер-министрінің орынбасары. 2002 жылдан - ҚР Премьер-министрі. 2003 жылдан - ҚР Мемлекеттік хатшысы. 2004 жылы ҚР Президент Әкімшілігінің Басшысы болып тағайындалды. 2004 жылдың желтоқсан айынан 2008 жылдың сәуіріне дейін - Алматы қаласының әкімі. 2008-2014 жылдары - Астана қаласының әкімі. 2014 жылдың қазан айында Қазақстан Республикасының Қорғаныс министрі болып тағайындалды.

ҚР Қауіпсіздік Кеңесінің мүшесі. 2004-2006 жылдарға арналған "Мәдени мұра мемлекеттік бағдарламасын іске асыру жөніндегі қоғамдық кеңестің төрағасы, Қазақстанның ЮНЕСКО істері жөніндегі Ұлттық комиссиясының төрағасы болып табылады.
ҚР Нысана көздеу федерациясының құрметті президенті. Академик Ә. Х. Марғұлан атындағы халықаралық қордың басқарма төрағасы, "14 томдық Ә.Х. Марғұлан шығармалары редакциялық алқасының мүшесі, ай сайынғы "Саясат-Политика ақпараттық-талдау бюллетені редакциялық кеңесінің төрағасы, тоқсан сайынғы "Евразийское сообщество ғылыми журналының мүшесі.
Тәуелсіздіктің 10 жылдығын өткізу жөніндегі мемлекеттік комиссияның төрағасы. Қазақ ССР-інің халық депутаты (1990-1991 жылдар).
Моңғолия, Батыс Қазақстан және РФ Астрахань облысына ("Каспий: мұнай және мәдениет) және т.б. бірқатар халықаралық мәдениеттану экспедицияларының ұйымдастырушысы. Солардың бірінің нәтижесінде (2000 ж.) Моңғолиядан Қазақстанға тасқа жазылған монументальді Күлтегін ежелгі түрік жазбасының көшірмесі оралды.

Ә. Жаксыбеков Н.Назарбаев И.Тасмағамбетов

Философия ғылымдарының кандидаты. Кандидаттық диссертациясының тақырыбы: "Дүниетану аспектілерінің экологиялык проблемасы (1990).
Саясат ғылымдарының докторы. Докторлық диссертациясының тақырыбы: "Транзиттік саяси жүйелердегі әлеуметтік саясат (1997).

Марапаттары
«Парасат» ордені (1998 ж)
«Қазақстан Республикасының Тұңғыш Президенті Нұрсұлтан Назарбаев» ордені (2004 ж),
Орыс Православиелік Шіркеуінің «Мәскеулік Даниил қасиетті патшасы» ордені,
Ресей Федерациясының «Дружба народов» ордені

Отбасы
Әкесінің есімі — Тасмағамбетов Нұрғали (1926—1997). Анасы — Қоқанова Ділда Матайқызы (1930ж.т.)
Үйленген, жұбайы — Бекқұллова Клара Дауымқызы (1957 ж.т.), мұғалім. Қыздары — Әсел (1979 ж.т.), заңгер, София (1983 ж.т.). Баласы — Нурғали Нұрсұлтан (1994 ж.т.). Немерелері — Дінмұхаммед (2000 ж.т.) және Нұреддин (2005 ж.т.).

Асел
Тасмағамбетова
София Тасмағамбетова

Пайдаланылған әдебиеттер
1. “Өнегелі өмір иелері”
2. “Қазақстан Республикасында кімнің кім екені” . Екі томдық анықтамалық. Алматы, 2011 жыл. ISBN 978-601-278-473-2