Жол белгілері. Тыйым салушы белгілер презентация

б) Негізгі бөлім:
Жол белгілері – дүниежүзінде қозғалысты ұйымдастырудың неғұрлым қолайлы және ең кең тараған тәсілі. Олар жүргізушіге және басқа да жол қозғалысына қатысушыларға мән - жайды түсіндіруге көмектеседі.
Жол белгілері: жүргізушілерді жолда орын алған қауіптер туралы ескерту; жолдардың (көшелердің) жекелеген учаскелерінде барлық немесе кейбір көлік құралдарының қозғалысына тыйым салу; қозғалыста бірқатар шектеулер енгізу немесе ағындар бағытын көрсету; жолдағы мән - жайдың ерекшеліктері мен жолдарды (көшелерді) пайдаланудың қолайлылығын арттыратын мәліметтерді хабарлау қызметтерін атқарады. Сонымен қатар қосымша ақпарат құралдары да (тақтайшалар) көзделген.
Әрбір жол белгісінің екі саннан тұратын нөмірленуі (индексі) болады. Бірінші сан тобы, екінші сан топ ішіндегі реттік нөмірді көрсетеді. Жүргізушілерге оңай болу үшін белгілер жеті топқа бөлінген: 1) ескерту; 2) басымдық; 3) тыйым салу; 4) нұсқаушы; 5) ақпараттық - көрсеткіш; 6) қызмет көрсету; 7) қосымша ақпарат (тақтайшалар).

Тыйым салу белгілері. Бұл белгілердің пішіні – дөңгелек, фоны – ақ, көгілдір түсті болады. Қызыл жеик шектеулерді, ал қара түс оның жойылғанын білдіреді. Тыйым салатын белгілер жолдар мен өтпелердің жекелеген учаскелерінде келік кұралдары мен жаяу жүргіншілердің қозғалысын шектеу және реттеуге арналған. Белгілер «Жол жүрісі қағидаларымен» шектеулер көзделмеген жағдайларда орнатылады. Жол жүрісінің барлық тыйым салушы белгілерін шартты түрде бес топқа бөлуге болады:
1) белгілі бір жүріс бөлігі бойынша кіруге және ауысуға тыйым салынатын белгілер;
2) көрсеткіште белгіленген габариттерден асып кететін машиналар қозғалысын шектеуші белгілер;
3) тоқтауға міндеттейтін белгілер;
4) белгілі бір бағыттарда маневрлер жасауға рұқсат етпейтін белгілер;
5) қандай да бір қозғалыс режиміне шектеулер қоятын немесе жоятын белгілер.
Бірінші топқа қандай да бір аймақта автокөлікпен жүруге мүміндік бермейтін белгілер кіреді. Олардың қолданылуы бірден орналасу орнынан басталады.

Бұл топқа жататын белгілер :

Екінші топқа белгіленген аумақ бойынша жүріп өту мүмкін автокөлік параметрлерін регламенттейтін тыйым салушы белгілер кіреді.

Бұл топқа жататын белгілер:
Белгілердің үшінші тобы жүргізушіні олардың алдында тоқтауға міндеттейді. Жүруді тиісті органдардың өкілінен рұқсат алғаннан кейін ғана жалғастыруға болады.
Бұл топқа жататын белгілер:

Белгілердің төртінші тобы барлық басқа бағытта жүруге мүмкіндік бере отырып, көрсетілген бір бағытты ғана орындауға тыйым салады. Бұл белгілер жүру бөліктерінің қиылысуы алдында немесе шектеулі аумаққа кіретін жердің жанына орнатыланды. Олардың қолданылу аймағы бірінші қиылысқа дейін.
Бұл топқа жататын белгілері:

Бесінші топ – басып озуға, аялдауға, дыбыс сигналын беруге және т.б. тыйым салатын белгілер. Олардың қолданылуы қиылысқа, елді мекеннің аяқталуына немесе басталатын жеріне дейін не олардың ұйғарылуын жоятын белгіге дейін таратылуы мүмкін.
Бұл топқа жататын белгілер:

Тыйым салатын белгілер тікелей оларға тиісті шектеулер енгізілетін көшелер, жолдарды және жекелеген жерлердің алдында немесе алдын ала «Нысанға дейінгі қашықтық» тақтайшасымен орнатылады.