Аникин Степан Васильевичень эряфоц и творческяй киц презентация

Аникин Степан Васильевич
Аникин Степан Васильевич мордвин, крестьянин Саратовскяй губерниянь. Шачсь 1869 к.; аделазе саратовскяй ремесленнай училищать ульсь народнай учителькс. Ульсь революционерхнень ёткса. Велень ломаттне сонь кельгозь, мекланкт полициясь сонь фалу мельганза ванць кода аф надёжнаень. Аф весть политическяй ванфонзон инкса ащесь тюрьмаса. 1905-це кизонь революционнай событиятнень пингста сон ётась аф легальнай положенияс.

Велень ломаттне кочказь сонь государственнай думав, а губернскяй избирательнай собранияса сон заочна кочкафоль государственнай думань членкс (1906). Петербургу сон сась, документфтома. Васень думать нолдамдонза меле сонь тевоц лоткафтфоль, документонза тейнза мрдафтфтольхть, и сон тага ётась легальнай положенияс. 1906 - 1909 кк. Аникин эрясь пцтай фалу Петербугса.

Аникин сёрмадсь очеркт "Русском Богатстве" и лия журналса . 1908к. Петербургса нолдась книга "Мордовские народные сказки". 1908 к. песта ульсь"Бодрое Слово" журналти редакторкс. 1909 к. Аникинонь арестовандазь, нолдазь залогс коре и, пелемок тага арестта, тусь границать фталу.

С.Аникинонь «Чардымть трваса» азкссонза оцю мяль шарфневи перьфпяльть образонцты, ломанть потмоёженц няфтеманцты. Азкссь сёрматфоль Швейцарияса 1910 кизоня и лиссь «Вестник Европы» журналть 1911 кизонь 11-це номерсонза. Чардым ляйнясь шудесь Аникинонь Камаевка шачема веленц вакска. Аф стак
«С. Чардымский» лем ала лисендссь «Либеральная кукушка» сатирическяй азксоц и оржаста сёрматф лия произведениянза. Мезень колга тя азкссь, кона Аникинонь творчествасонза арась эсь лацонь гимнакс шачема ширенцты?

Ушедови сон ваймоса эжнеф пейзажнай картинаста. «И афкукс, - сермады Аникин, - пара Чардымть маласа эрьхконясь. Мянь ветешка вайгяльбес таргавсь: оцю, сокта пяшкотьф сянгяря рама потмоса. Эрь шобдава и эрь илядне ванондсазь эздонза эсь мазышиснон стяй и мады зарятне - юрнай толса палыхть эсонза».