Надежда Павлова – тĕнчипе паллă балерина. презентация

- Пӗчӗк чухне атте пире Шупашкартан хӑй çуралнӑ Вӑрнар районӗнчи Шӗнер ялне илсе каятчӗ. Унта çамрӑксен каçхине вӑййа тухса юрланине-ташлание курса киленеттӗм. Ӳсерех парсан Шупашкарти Пионер керменӗнчи балет студине çӳреме пуçларӑм, - каласа парать Надя

Малтан Надя Шупашкарти 2-мӗш вӑтам шкулта вӗреннӗ.
3-мӗш класа çитсен ашшӗ ташласшӑн çунакан хӗр ачана Пермьри хореографи училищине илсе кайнӑ. Тӗрӗслевре Надя хӑйне лайӑх енчен кӑтартнӑ. Ӑна вӗренме йышӑннӑ.

Надя тӑрӑшса вӗреннӗ. Училище интернатӗнче пурӑннӑ. Расписани тӑрӑх кӑнтӑрлахи апатчен пӗтӗмӗшле пӗлӳ паракан предметсене вӗреннӗ. Ун хыççӑн хореографи урокӗсем пулнӑ. Каçхине репетицисем ирттернӗ. Вӗренекенсене велосипедпа е конькипе ярӑнма чарнӑ. Ташламалли урасем айӑпланасран е тӗрӗс мар аталанасран хӑранӑ. Вӗренекенсем ытлашши ӳт хушасран асӑрхаса тӑнӑ. Кунне виçӗ хутчен тараса çине тӑратӑ. Нормӑран 100 грамм ытлашши хутшӑннӑ пулсан училище тавра 10 хутчен чуптарса йывӑрӑша чакарнӑ.

1973 çулта, ун чухне Надя 15-ре пулнӑ, балет артисчӗсен Пӗтӗм тӗнчери кокурсӗ пулнӑ. Надя питӗ ӑнӑçлӑ ташласа «Гран-при» илнӗ.

«Синяя птица» кинокартинӑра Америка артисчӗсемпе пӗрле Надя тӗп рольте вылять. Надежда Павлова тӑтӑшах Шупашкарти оперӑпа балет театрне килсе «Жизель», «Щелкучик» балетсенче тӗп партисене ташланӑ. «Надежда Павлова балет валли çуралнӑ чӑваш хӗрӗ», - тесе çирӗппӗн калама пулать. Ӑна Россия Федерацийӗн, Совет Союзӗн Чӑваш Республикин халӑх артистки ятсене панӑ.