Театральные миниатюры на коми языке презентация

«Ош»
Вőрын ветлő –шőйтő ош
Ачыс ыджыд, пельыс чош.
Ыджыд кинас чегő пуяс
Вőрын лунтыр шőйтас, уяс
Őмидз сёйő, гőрő му,
Пандасяс кő- коктő ну.

«Йőра»
Кокыс йőралőн зэв кузь,
Он кő кокчунясь- он судз.
Ачыс ыджыд, пашкыр сюр,
Зверыс мелi, шань да бур.
Сёйő нитш да пулысь кор
Морт доро оз пет некор.

«Ур»
Вőрын олő ичőт ур:
Бőжыс пашкыр, ичőт юр.
Сёйő тшак да килльő коль,
Тőвнад тшыгőн оз нин коль.
Пуысь-пуő чеччыштő,
Паськыд бőжнас őвтыштő.

«Рака
Вőрын рака лэбалő,
Ставсő медводз тőдмалő.
Вőрын кодi, мый оз вőч,
Рака сэтчő лэбő стőч.
Юрыс ичőт, бőжыс кузь,
Лунтыр лэбавны оз мудз.
Кодлы водны, кодлы бőрдны,
Сылы быдтор колő тőдны.
Гожőм, тулыс, тőв и ар,
Лунтыр горзő: «Кар!Кар!Кар!»

«Мыр»
Васőд места, сэнi мыр,
Легны дышыс петő пыр.
Голяыс сылőн оз вőр,
Сы понда сiйő зэв скőр,
Но, а сiдз сő- мырйыс бур,
Лёкысь некодкод оз дур.
Гажсő ставлы вőзйő,
Серавны тшőтш кőсйő.

«Шыр и кань» (игра-драматизация+подв.игра)
Олiс-вылiс шыр да кань,
Каньыс вőлi мелi, шань,
Ичőт шырпи вőлi зiль,
Быд пельőсын шабдi киль,
Каньыд шыркőд аддзысисны,
Чолőм, кысő, кыдзи олан?
-Ме вőд тőда- меысь полан.
Ена эн пов-ме од шань,
Аддзан- кутшőм мелi кань?!
- Гőныд небыд, гыжйыд кузь,
Лунтыр кыйсьы, войбыд узь.
- Талун кыйсьыны оз ков,
Татчő матыстчы- эн пов!
- Аддза, аддза,пőръясьлан,
Менő кыйны тэ кőсъян?!

«Кőч да руч» (игра-драматизация+подв.игра)
Кőчыд ручкőд лёка олő,
Сiйő ручсьыд ёна полő
Кыдзи аддзас пашкыр бőж
Пельсő дзебő, босьтő дрőж
Ручысь пышъяс навыскок
Сőмын аддзан сылысь кок.