Қазақтың ұлы Күйші-композиторы презентация

ҚАЗАҚТЫҢ ҰЛЫ КҮЙШІ-КОМПОЗИТОРЫ
Қазақ даласын асқақ та жігерлі күйлерімен тербеген ұлы күйші-композитор Құрманғазы Сағырбайұлы 1818 жылы Бөкей хандығы, қазіргі Батыс Қазақстан облысының Жаңақала ауданына қарасты Жиделі деген жерде дүниеге келген.
Шыққан тегі – Кіші жүз, он екі ата Байұлынан өрбіген Сұлтансиықтың Қызылқұрт бұтағы. Құрманғазының жетінші атасы Ерші деген кісі от тілді, орақ ауызды, сөз дарыған адам болыпты. Ал, нағашы жұрты – Беріш руы.

ШЫҒАРМАШЫЛЫҒЫ
Құрманғазы өмірге ғашық күйші. Тіршіліктің нұрлы сәттеріне ол балаша қуанып, қалтқысыз сезімге бөлене алады. Оның «Қызыл қайың», «Ақжелең», «Адай», «Сарыарқа», «Балбырауын», «Серпер», «Назым», «Балқаймақ», «Бұлбұлдың құрғыры», «Ақсақ киік», «Төремұрат», «Қуаныш» сияқты күйлері өмірге іңкәр жанның жүрек лүпілі сияқты.

Құрманғазының ғұмыр кешкен уақыты, әсіресе оң солын танып, өмір-тіршілікке белсене араласа бастаған кезі мейлінше күрделі еді. Бұл кезең патшалық Ресей жүргізген отаршыл саясаттың ең бір қарқын алған, әбден құныққан, шектен шыға басынған кезі болатын. Қашанда ел басына келген нәубеттің ауырлық тауқыметі ең алдымен еңсесі биік ерлердің иығына түсетін әдеті. Замана зобалаңы Құрманғазыны да от-жалынымен шарпып бағады. Оның «Түрмеден қашқан», «Кісен ашқан», «Ертең кетем», «Бозқаңғыр», «Пәбескі», «Терезеден-есіктен», «Бозшолақ», «Бұқтым-бұқтым», «Не кричи, не шуми», «Арба соққан», «Аман бол, шешем, аман бол», «Қайран шешем» сияқты күйлері замана басқа салған зобалаңның бір-бір бекеті сияқты. Ол қатал тағдырдың кез келген талқысына өнерімен жауап беріп, өнерімен белгі қалдырып отырған.

«БОЗШОЛАҚ» КҮЙІНІҢ НОТАСЫ

МУЗЫКАЛЫҚ ТАЛДАУ
Музыкалық-теориялық талдау
Күй төкпе дәстүріне жатады;
Негізгі тональдігі - Соль-мажор (G-dur)
Күйдің өлшемі аралас 2/4, кейбір жерлерде ¾ өлшемі кездеседі;
Ырғақ жүрдек, біркелкі.
Орындаушылық талдау
Шығармада кездесетін муызкалық терминдер:
Mf (меццо-форте, итал. mezzo-forte)- ортаа күшпен;
P(пиа́но, итал. piano)- ақырын,жәй;
F (фо́рте, итал. forte) - қатты,күшті;
Күйдің қағысы алма-кезек, бір төмен,екі жоғары; ал сағада да алма-кезек, бір төмен, екі жоғары
Күй орташа, ұстамды,andante мен allegro арасындағы орташа қарқын орындалады;
Форшлактар жоқ;
Шығарма mf басталып, әрі қарай 3 тактіде f және p ауысады, кейін қайтадан mf қайта оралады. Сағасында f-мен ойналынады, одан кейін p мен mf қайта орылып, күй f-мен аяқталады.
Күйдің құрамы бас буын,орта буын, және кіші саға