Ұжымдық (топтық) оқыту технологиясын деңгейлік тапсырмалар арқылы тиімді пайдалану презентация

Қазіргі таңдағы мектептердің алдында тұрған мәселе оқушыларды дамыта оқыту, яғни, оқушыны оқу әрекетіне қалыптастыру, олардың оқуға ынтасын ояту, қызығушылығын арттыру. Сондықтан, мұғалімнің алға қойған маңызды міндетінің бірі – талабы таудай жеке тұлғаны іздеп табу, оны өсіру. Әр оқушының қабілетін танып біліп, дамытып адам дәрежесіне жеткізу үшін жаңашыл жұмысқа бет бұру керек.

Қазақстандық педагог ғалымдар: Ж.А.Қараев және М.Жанпейісованың еңбектері білім беру үрдісінде кеңінен қолданады. Педагогика ғылымдарының докторы, профессор Ж.А.Қараевтың деңгейлеп оқыту педагогикалық технологиясының мақсаты – жан-жақты дамыған тұлғаны қалыптастыру.

Ұжымдық оқыту кезінде тақырып мазмұнын барлық оқушы бірдей жоғары деңгейде меңгере алмайды. Осы кемшілікті жою мақсатында ұжымдық оқытудың жаңа технологиялары ұсынылады. Олар мыналар:
-белсенді тақтаны, сөз түріндегі әдіс, тәсілдермен ұштастыру;
-компьютердегі интерактивті бағдарламаны қолдану;
-интернет материалдарын сабақтың тақырыптарымен қабыстыру;
-электронды құралдардағы сызба, үлгі, кесте, диаграмма, сурет т.б.
-тақырыпты меңгеру кезінде оқушылардың өзара еркін алмасуына, өз ойын білдіруіне, сұрақтар қоюына, талқылауына мүмкіндік беру;
-басқа да көрнекіліктерді сөз түріндегі әдістермен ұштастыру;
-теориялық білімді іс жүзінде пайдалануына шарт түзу үшін практикалық-жұмыстарды орындауын ұйымдастыру бойынша нұсқаулар беру;
-жұмыс нәтижелерін ұжым болып талқылау;
-белгілі бір тақырып бойынша оқушылар әзірлеген баяндамаларды тыңдау және талқылау;

Ұжымдық оқыту технологиясы дегеніміз – сынып оқушыларының назарына білім мазмұнын ұсынуда оқытушы мен оқушылардың іс-әрекетін ұштастырып, бір мақсатқа бағдарлайтын әдіс, тәсіл, амалдар мен жаңа технологиялар жиынтығы.