Vital amputatsiya o`tkazish презентация

Pulpitlarni vital amputatsiya usuli bilan davolash.
Ko’rsatma. O’tkazish texnikasi. Pulpitlarni vital amputatsiya usuli bilan davolashda yuzaga keluvchi xato va asoratlar.

Vital amputatsiya usuli biologik usulga kirib, bu usulda ildiz pulpasini va periodontini normal xolatini saqlab qolishdir.

Vital amputatsiyaga ko’rsatmalar:
- o’tkir o’choqli pulpit;
- pulpa shoxini bexosdan ochilib qolishi;
- surunkali fibroz pulpit – pulpa elektr o’tkazuvchanligi 40 mkA gacha bo’lganda;
- shakllanmagan ildizli tishlarni davolashda.

Bu usul aseptikaga qat’iy rioya qilgan holda anesteziya ostida kilinadi, bunda og’iz bo’shlig’ini 1:5000 furatsillin eritmasi bilan chayiladi, tish yuzasi 3% vodorod peroksid bilan, ishlov beriladi. Karioz kovakni ham shu eritma bilan yoki furatsilin eritmasi bilan yuvish kerak.

Anesteziya ta`sir qilgandan so`ng karioz kovak kengaytiriladi, nekroektomiya qilinadi, tish bo`shlig`i ochiladi.
O`tkir sharsimon bor bilan yoki ekskavator bilan toj pulpasi olinadi (ampultatsiya qilinadi), keyin teskari konussimon bor bilan ildizga kirish qismigacha kengaytiriladi; davolovchi taglik sun`iy dentin va vaqtincha plomba qo`yiladi.

3-4 haftadan keyin shikoyatlar bo`lmasa vaqtinchalik plomba doimiy plombaga almashtiriladi.
Vaqtinchalik plomba o`rniga doimiy plomba qo`yib, bir qatnovda davolasa xam bo`ladi.
Vital amputatsiya yaxshi natija berishi uchun birinchidan ko`rsatmaga qarab qo`llash kerak, tashxis noto`g`ri qo`yilgan bo`lsa , bu usul yordam bermaydi, og`riq bosilmaydi, yallig`lanish davom etadi.

Ikkinchidan aseptikaga rioya qilib ishlash kerak va karies kovakka so`lak tushmasligi kerak. Undan tashqari ishlyotgan borlar o`tkir bo`lishi lozim va ular bilan ishlayotganda bosimsiz qo`llash kerak, aks xolda ampuyatsiya qilayotganda ildiz kanalining kirish qismidagi pulpani jaroxatlab qo`yishi mumkin.
Bu xolatda pulpa qonaydi, shikastlangan pulpa esa nekrozga uchraydi va keyinchalik periodontitga olib keladi.
Plomba qo`yilayotganda ham qattiq bosmasdan, taglik qo`yilgandan keyin plombani qo`yish kerak.

Kelib chiqishi mumkin bo`lgan asoratlar;
Davolovchi taglik, vaqtinchalik yoki doimiy plomba qo`yilgandan so`ng yuzaga keladigan og`riqlar.
Bu noto`g`ri tashxis qo`yish, aseptika qoidalariga to`liq rioya etmaslik , yumshagan va pigmentlangan dentinni to`liq olmaslik , so`lakdan tishni yaxshi izolyatsiya qilmaslik.

Karioz kovakni qo`pol charxlash, tish bo`shlig`iga spirt yoki efir bilan ishlov berish natijasida kelib chiqadi. Bunda davolovchi taglik qayta almashtiriladi yoki pulpa shoxi olib tashlanadi. Agar natija samara bermasa u holda pulpa to`liq olib tashlanadi.

Toj pulpasi olingandan so`ng va diatermakoagulyatsiya-dan keyin qayta qon ketishi. Bunda diaterma-koagulyatsiya qaytadan bajariladi, gemostatik po`kak yoki oksiselludeks ildiz kanallarining kirish qismida qoldiriladi.

Davolovchi taglik tarkibidagi anestetikka nisbatan allergik reaksiya.
Davolovchi vositani qo`llashdan avval bemordan to`liq allergik anamnezni yig`ish lozim.
Allergik holat yuzaga kelsa , unda sensebelizatsiyalovchi terapiya , yurak va nafas funksiyalarini stimullovchi vositalar, sedativ terapiya vositalarini qo`llash lozim.