Жұмыскерлердің жылдық орташа санына және жылдық орташа кіріске қарай кәсіпкерлік субъектілері мынадай санаттарға жатқызылады презентация

Кәсiпкерлiк субъектiлерi
2019 ж. 1 қаңтарынан бастап АЕК = 2 525 тенге

Кәсіпкерлік субъектілерінің тізілімі - кәсіпкерлік субъектілерінің санаттары туралы мәліметтерді қамтитын электрондық деректер базасы.

Дара кәсіпкерлік
Өзiндiк кәсiпкерлiктi бiр жеке тұлға өзiне меншiк құқығымен тиесiлi мүлiк негiзiнде, сондай-ақ мүлiктi пайдалануға және (немесе) оған иелiк етуге жол беретiн өзге де құқыққа орай дербес жүзеге асырады.
Бiрлескен кәсiпкерлiктi жеке тұлғалар (дара кәсiпкерлер) тобы өздерiне ортақ меншiк құқығымен тиесiлi мүлiк негізінде, сондай-ақ мүлiктi бiрлесiп пайдалануға және (немесе) оған иелiк етуге жол беретiн өзге де құқыққа орай жүзеге асырады.

Бiрлескен кәсiпкерлiктiң нысандарда жүзеге асырылуы мүмкін:
1) ерлi-зайыптылардың ортақ бiрлескен меншiгi негiзiнде жүзеге асырылатын ерлi-зайыптылар кәсiпкерлiгi;
2) шаруа қожалығының ортақ бiрлескен меншiгi немесе жекешелендiрiлген тұрғынжайға ортақ бiрлескен меншiк негізінде жүзеге асырылатын отбасылық кәсiпкерлiк;
3) жеке кәсiпкерлiк ортақ үлестiк меншiк негiзiнде жүзеге асырылатын жай серiктестiк;
4) Қазақстан Республикасының заңдарына сәйкес өзге де нысандар болып табылады.

Шаруа немесе фермер қожалығы
Шаруа немесе фермер қожалығы деп азаматтардың ауыл шаруашылығы мақсатындағы жердi ауыл шаруашылығы өнiмдерін өндiру үшін пайдаланумен, сондай-ақ осы өнiмдi қайта өңдеумен және өткiзумен тығыз байланысты кәсiпкерлiк қызметті жүзеге асыруға бағытталған еңбек бiрлестiгiн айтады.
Шаруа немесе фермер қожалығы кәсiпкерлiк қызмет ортақ бiрлескен меншiк базасына негiзделген отбасылық кәсiпкерлiк нысанында жүзеге асырылатын шаруа қожалығы нысанында немесе өзiндiк кәсiпкерлiктi жүзеге асыруға негiзделген фермер қожалығы нысанында, сондай-ақ бiрлескен қызмет туралы шарт негiзiнде ортақ үлестiк меншiк базасында жай серiктестiк нысанында ұйымдастырылған фермер қожалығы нысандарында әрекет мүмкiн.

Шаруашылық серiктестiктер
толық серiктестiк;
сенiм серiктестiгi;
жауапкершiлiгi шектеулi серiктестiк;
қосымша жауапкершiлiгi бар серiктестiк.

Акционерлiк қоғам
Акционерлiк қоғам - бұл өзiнiң қызметiн жүзеге асыру үшiн қаражат тарту мақсатында акциялар шығаратын заңды тұлға. Акционерлiк қоғамның акционерлерi заң актiлерiнде көзделгеннен басқа жағдайларда оның мiндеттемелерi бойынша жауапкершілік жүктемейді және өзiне тиесiлi акциялар құнының шегiнде қоғамның қызметiне байланысты шығындар тәуекелiн көтередi.
Акционерлiк қоғамның акционерлердің мүлкiнен өзге де оқшауланған мүлкi болады, өз мiндеттемелерi бойынша өз мүлкi шегiнде өзі жауапкершілікте болады және өз қатысушыларының мiндеттемелерi бойынша жауап бермейдi.
Егер заңмен өзгеше көзделмесе акционерлік қоғамның барлық акцияларын бiр акционер сатып алған жағдайда акционерлiк қоғам бiр адамнан құрылуыда мүмкiн.
Акционерлiк қоғамның құқықтық ережелерi, акционерлердiң құқықтары мен мiндеттерi Кәсіпкерлік кодексіне, заң құжаттарына сәйкес белгiленедi. Заңдарда көзделген жағдайларда, коммерциялық емес ұйымдар да акционерлiк қоғамның ұйымдық-құқықтық нысанында құрылуы мүмкiн.

Өндірістік кооператив
Кәсіпкерлік қызметпен айналысу мақсатында азаматтардың жеке еңбегiмен қатысу арқылы, сондай-ақ мүлiктiк жарналарын (пайларын) бiрiктiруiне негізделген азаматтардың ерiктi бiрлестiгi өндiрiстiк кооператив (ӨК) деп аталады.
Өндiрiстiк кооперативтiң құрылтайшылары екеуден кем болмауға тиiс және кооперативтiң міндеттемелері бойынша заңда көзделген мөлшер мен тәртіпте қосымша (біріккен) жауап береді.
Кооперативтiң мүшелерiнiң жалпы жиналысы оның жоғары органы болып табылады. Қажет болған жағдайда өндірістік кооперативте кооперативтің атқарушы органдарының қызметін бақылайтын қадағалау кеңесі құрылуы мүмкін, бірақ оның мүшелерінің өндірістік кооперативтің атынан әрекет етуге құқығы жоқ.

Франчайзинг
Франчайзинг – бұл бренд пен бизнес-жүйесін сатудағы табыс табу әдісі. Бұл жердегі «франчайзер» – франшиза беруші, лицензиар, бас кәсіпорын иесі, ал «франчайзи» – франчайзиат, франшиза алушы, лицензиат, фирманың тұжырымдамасын сатып алушы.

Ішкі кәсіпкерлік орта
Ішкі кәсіпкерлік орта факторлары кәсіпкерлік құрылымдардың қаржы-шаруашылық қызметтерімен және сол қызметтер барысында қалыптасатын қатынастармен, байланыстармен тікелей байланысты.
Ішкі кәсіпкерлік орта интеграцияланған жүйе ретінде мыналардан тұрады:
меншікті капиталдың болуы және оның мөлшері;
ұйымдық-құқықтық нысанды таңдау;
кәсіпкерлік қызмет саласын таңдау;
серкіктестерді таңдау;
нарық туралы білім;
қызметкерлерді, мамандарды таңдау және оларды басқару және т.б.
Ішкі кәсіпкерлік орта субъективті сипатта болады және көп жағдайда кәсіпкердің (лидердің) өзіне, оның біліктілігіне, басқара білу, өзгерістерге бейімделе білу сияқты жеке бас қасиеттеріне байланысты болады. Ішкі кәсіпкерлік орта ұжымдағы моральдық-психологиялық климатқа да байланысты.

Сыртқы кәсіпкерлік орта
Сыртқы кәсіпкерлік орта – бұл кәсіпкерлік қызметке, оның қалыптасуы мен дамуына тікелей немесе жанама ықпал ететін сыртқы факторлар мен жағдайлардың жиынтығы.
Сыртқы кәсіпкерлік орта кәсіпкерлік қызметті сыртқы реттеудің күрделі жүйесі болып табылады. Сондықтан дара кәсіпкерлер мен заңды тұлғалар үшін объективті сипатта болады, себебі олар сыртқы кәсіпкерлік ортаны (заңдар, табиғи-климаттық жаңдайлар және т.б.) өзгерте алмайды, бірақ өз істерін жүргізу барысында ескерулері қажет.