Гражданалы сьӧмкуд 2016 во вылӧ да 2017-2018 вояслӧн планӧвӧй кадколаст вылӧ сьӧмкуд
Пыдди пуктана Коми Республикаын олысьяс! Коми Республикаса канму сьӧмӧн веськӧдлӧмын стратегическӧй могӧн лоӧ республикаса сьӧмкуд системалысь балансируйтӧмсӧ да зумыдлунсӧ могмӧдӧм. Медым ӧнія кадся сьӧкыд экономика условиеяс дырйи таӧдз воӧдчыны, пуктӧма мог – торйӧдны канму уджтасъясысь да абу программнӧй рӧскодысь медтӧдчана нырвизьяссӧ да абу медводз коланаяссӧ. 2016 во кежлӧ урчитӧма пӧртны олӧмӧ Коми Республикаса веськӧдлан котырлӧн 2018 воӧдз Коми Республикаса канму сьӧмӧн веськӧдлӧмлысь эффективностьсӧ кыпӧдан уджтаслысь мероприятиеяссӧ, кодъясӧс веськӧдӧма чӧжӧслысь базасӧ содтӧм вылӧ, рӧскод да республикаса сьӧмкудлысь уджйӧз чинтӧм вылӧ. Торйӧн кӧсъя пасйыны, мый 2016 во да 2017-2018 воясся планӧвӧй кадколаст кежлӧ Коми Республикалысь республиканскӧй сьӧмкудсӧ артмӧдӧма сідзи, медым миян республикаын олысьяслы став социальнӧй кӧсйысьӧмсӧ быть вӧлі олӧмӧ пӧртӧма, на лыдын Россия Федерацияса Президентлысь ода-кора тӧлысся индӧдъяссӧ. Коми Республикаса сьӧмкуд министерстволӧн медшӧр туйвизьясысь ӧтиӧн тшӧтш лоӧ ӧтйӧза сьӧмӧн дзебтӧг да восьса веськӧдлӧмыс. Буретш та понда ми петкӧдлам республикалысь медшӧр финансӧвӧй документсӧ уна гражданалы лӧсялана ногӧн – «Гражданалы сьӧмкуд» брошюра отсӧгӧн. Коми Республикаса сьӧм овмӧс министр Г.З. Рубцова Сьӧмкуд – торъя кадколаст кежлӧ чӧжӧслӧн да рӧскодлӧн план. Сьӧмкуд система – Россияса Федерацияын став: федерацияса, дінмукостса, меставывса, сьӧмкудйысь ӧтдор канму фондъясса – сьӧмкудлӧн ӧтувъялун. Коми Республикаса сьӧмкуд системаӧ пырӧны Коми Республикаса республиканскӧй сьӧмкуд да Коми Республикаса муниципальнӧй юкӧнъяслӧн сьӧмкудъяс. Публично-правовӧй юкӧн – Россияса Федерация (федеральнӧй канму) ставнас; – РФ-са субъектъяс – республикаяс, крайяс, обласьтъяс, федерацияувса каръяс, автономнӧй обласьтъяс, автономнӧй кытшъяс; – Муниципальнӧй юкӧнъяс. Сьӧмкуд процесс – сьӧмкуд проектъяс лӧсьӧдӧм да видлалӧм серти, сьӧмкудъяс вынсьӧдӧм да збыльмӧдӧм серти, сьӧмкудъяс видзӧм бӧрся видзӧдӧм серти, сьӧмкуд учёт серти, сьӧмкуд отчётносьт лӧсьӧдӧм, ортсысянь прӧверитӧм, видлалӧм да вынсьӧдӧм серти канму власьт органъяслӧн, меставывса асвеськӧдлан органъяслӧн да сьӧмкуд процессын мукӧд участвуйтысьлӧн удж. Сьӧмкуд ассигнованиеяс – сьӧмкуд кӧсйысьӧмъяс збыльмӧдӧм могысь лӧсялана финансӧвӧй воӧ урчитӧм сьӧмлӧн медуна йӧрышъяс. Сьӧмкуд кредит – сьӧм, кодӧс сетӧма сьӧмкудйысь Россия Федерацияса сьӧмкуд системаса мӧд сьӧмкудлы, юридическӧй кывкутысьлы (канму (муниципальнӧй) учреждениеясысь кындзи), суйӧрсайса канмулы, суйӧрсайса юридическӧй кывкутысьлы, бӧр бергӧдӧмӧн да водзӧсалӧмӧн. Сьӧмкудлӧн чӧжӧс – сьӧм, мый воӧ сьӧмкудйӧ олысьяссянь, организацияясысь, учреждениеясысь: - вотъяс; - вотысь ӧтдор сьӧм (пошлинаяс, эмбур вузалӧмысь чӧжӧс, штрапъяс да с.в.); - водзӧстӧг воӧм сьӧм; - сьӧмкуд организацияяслӧн предпринимательскӧй уджысь чӧжӧс. Чӧжӧсъясӧ оз пырны кредитъяс, дона кабалаяс лэдзӧмысь канмулы (меставывса асвеськӧдлан органъяслы) воӧм сьӧм. Сьӧмкуд дефицит финансируйтан ӧщмӧсъяс – сьӧм, кутшӧмӧс кыскӧны сьӧмкудйӧ дефицитсӧ бырӧдӧм могысь (банкъясысь кредитъяс, мукӧд тшупӧд сьӧмкудъясысь кредитъяс, дона кабалаяс, мукӧд ӧшмӧс). ВӦДИТЧАН ТЕРМИНЪЯСЛӦН ДА ВЕЖӦРТАСЪЯСЛӦН ДЖЕНЬЫД КЫВКУД