Қапшағай қаласының 2021-2023 жылдарға арналған бюджетінің. Азаматтық бюджеті презентация

Қапшағай қаласының ресми сайтына қош келдіңіздер!
Сіздердің назарларыңызға Қапшағай қаласының 2021-2023 жылдарға арналған бюджетінің Азаматтық бюджетін ұсынамыз. Азаматтық бюджет бюджетті қалыптастыру, 2021 жылдың негізгі әлеуметтік көрсеткіштері, қаланың әлеуметтік-экономикалық даму көрсеткіштері, бюджет кірістері мен шығыстарының негізгі бағыттары туралы мәліметтерді қамтиды.
Қапшағай қаласының 2021-2023 жылдарға арналған бюджеті Қазақстан Республикасының Бюджет, Салық кодекстері, Қазақстан Республикасы Президентінің Қазақстан халқына арнаған Жолдауларында белгіленген міндеттер, Қапшағай қаласының 2020-2024 жылдарға арналған Әлеуметтік-экономикалық даму болжамы негізінде әзірленді.
Бюджет Қапшағай қалалық мәслихатының 2020 жылғы 28 желтоқсандағы “Қапшағай қаласының 2021-2023 жылдарға арналған бюджеті туралы” № 83-285 шешімімен бекітілді .

Өкілетті орган
Жоспарлау
Бюджетті атқару
Өңiрдiң әлеуметтiк-экономикалық дамуы болжамының жобасын және бюджет параметрлерін әзірлеу, жергілікті бюджеттік бағдарламалар әкімшілері шығыстарының лимиттерінайқындау, жергілікті бюджеттік бағдарламалар әкімшілерінің бюджеттік бағдарламаларының жобаларын, жергiлiктi бюджет туралы мәслихат шешiмiнiң жобасын әзірлеу
Қаржыландырудың жиынтық жоспарын жасау
Мемлекеттік қаржылық бақылау
Бюджет - мемлекеттің өз міндеттері мен функцияларын іске асыруды қаржылық қамтамасыз етуге арналған орталықтандырылған ақша қоры

Айлық есептiк көрсеткiш - Қазақстан Республикасының заңнамасына сәйкес жәрдемақыларды және өзге де әлеуметтiк төлемдердi есептеу үшiн, сондай-ақ айыппұл санкцияларын, салықтар мен басқа да төлемдердi қолдану үшiн пайдаланылатын көрсеткіш (Қазақстан Республикасының «Республикалық бюджет туралы» Заңымен бекітіледі).
Ең төмен күнкөрiс деңгейi - мөлшерi бойынша ең төмен тұтыну себетiнiң құнына тең, бiр адамға қажеттi ең төмен ақшалай кiрiс
Айлық жалақының ең төменгі мөлшері - біліктілікті қажет етпейтін қарапайым (онша күрделі емес) еңбек қызметкері Еңбек кодексінде белгіленген қалыпты жағдайда және жұмыс уақытының қалыпты ұзақтығы кезінде еңбек нормаларын (еңбек міндеттерін) орындаған кезде бір айда оған төленетін ақшалай төлемдердің кепілдік берілген ең төменгі мөлшері.
Қазақстан Республикасының 2020 жылғы 2 желтоқсандағы “2021-2023 жылдарға арналған республикалық бюджет туралы” № 379-YI Заңымен 2021 жылғы 1 қаңтардан:
1) Айлық жалақының ең төменгі мөлшері – 42 500 теңге;
2) мемлекеттiк базалық зейнетақы төлемiнiң мөлшерi – 18 524 теңге;
3) зейнетақының ең төмен мөлшерi – 43 272 теңге;
4) жәрдемақыларды және өзге де әлеуметтiк төлемдердi есептеу, сондай-ақ Қазақстан Республикасының заңнамасына сәйкес айыппұл санкцияларын, салықтарды және басқа да төлемдердi қолдану үшiн айлық есептiк көрсеткiш – 2 917 теңге;
5) базалық әлеуметтiк төлемдердiң мөлшерiн есептеу үшiн ең төмен күнкөрiс деңгейiнiң шамасы 34 302 теңге болып белгiленді.

Қапшағай қаласының әлеуметтік-экономикалық дамуының 2020 жылғы
қорытындылары және 2021-2025 жылдарға арналған негізгі көрсеткіштері

Қапшағай қаласының 2021-2023 ж. бюджеті
Млн.теңге

Қапшағай қаласының 2021-2023 жылдарға арналған бюджетінің құрылымы
Млн.теңге

Қапшағай қаласының 2021 жылғы бюджетінің меншік кірістерінің үлесі, %

Қапшағай қаласының 2020 жылғы, 2021 жылға арналған бюджет түсімдері
Млн.теңге

Қапшағай қаласының 2021 жылғы бюджеті шығыстарының салалар бойынша үлесі, %

Әлеуметтiк көмек және әлеуметтiк қамсыздандыру
Млн.теңге

Ауылдық елді мекендердің мамандарын әлеуметтік қолдау шараларын іске асыру
Қазақстан Республикасының 2005 жылғы 8 шілдедегі «Агроөнеркәсіптік кешенді және ауылдық аумақтарды дамытуды мемлекеттік реттеу туралы» Заңының 18-бабының 8-тармағына сәйкес «Ауылдық елді мекендерге жұмыс істеуге және тұруға келген денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласындағы мамандарға, ауылдар, кенттер, ауылдық округтер әкімдері аппараттарының мемлекеттік қызметшілеріне жергілікті өкілді органдардың (мәслихаттардың) шешімі бойынша көтерме жәрдемақы және тұрғын үй сатып алу немесе салу үшін әлеуметтік қолдау көрсетіледі.».
Жүз еселік айлық есептік көрсеткішке (100 АЕК) тең сомада көтерме жәрдемақы: 2021 жылға - 291 700 теңге
2) Тұрғын үй сатып алу немесе салу үшін әлеуметтік қолдау - бір мың бес жүз еселік айлық есептік көрсеткіштен (1500 АЕК) аспайтын сомада бюджеттік кредит: 2021 жылға 4 375 500 теңге

Мәдениет, спорт және ақпараттық кеңістік
2021 жыл – 127,4 млн.теңге, 2021 жыл – 123,3 млн.теңге, 2022 жыл –
124,7 млн.теңге,
оның ішінде 2021 жылға:
Мәдени-демалыс жұмысын қолдау – 44,1 млн.теңге
Кітапханалардың жұмыс істеуі – 30,7 млн.теңге
Мемлекеттiк тiлдi және Қазақстан халқының басқа да тiлдерін дамыту – 1,1 млн.теңге
Мәдениет, спорт саласының ведомстволық бағыныстағы мекемелерінің материалдық-техникалық базасын нығайту – 5,0 млн.теңге
Мемлекеттік ақпараттық саясат жүргізу жөніндегі қызметтер – 13,2млн.тенге
Спорттық жарыстар өткiзу– 4,4млн.теңге
Өзге шығыстар – 28,9 млн.теңге

Өңірлерді дамытудың 2025 жылға дейінгі мемлекеттік бағдарламасы шеңберінде өңірлерді экономикалық дамытуға жәрдемдесу бойынша шараларды іске асыру
Млн.теңге

Тұрғын үй-коммуналдық шаруашылығы, көлік және коммуникация
Млн.теңге